Innkrevjing, ábyrgd og málsviðgerð verður flutt til TAKS at umsita

Uppskot til løgtingslóg um broyting í løgtingslóg um almenna heilsutrygd (flyta innkrevjing, ábyrgd og málsviðgerð av heilsutrygdargjaldi til TAKS at umsita)

Endamálið við lógaruppskotinum er at flyta innkrevjing, ábyrgd og málsviðgerð av heilsutrygdargjaldinum til TAKS at umsita. Við hesi broyting fara vald og gjald at fylgjast, umframt at tað verður greiðari fyri borgaran, sum frameftir hevur ein almennan stovn at venda sær til, heldur enn tveir ymiskar, sum tað er við verandi skipan.

Lógaruppskotið var sent til hoyringar í farnu tingsetu og síðani lagt fyri Løgtingið. Av tí, at val varð útskrivað, fall lógaruppskotið burtur.

Ætlanin er at leggja lógaruppskotið fyri Løgtingið aftur í heyst.

Uppskot Til Løgtingslóg Um Almenna Heilsutrygd (Heilsutrygdarlógin) Fylgiskjal 1 Javntekstur